由831開始，我察覺到激進氣氛同大家既怒火高漲，我好擔心大家會因為咁而受到更多既傷捕。
所以我出post呼籲暫時回歸和平理性，提防激進失衡帶黎既壞影響。順水推舟易，逆水行舟難，我知道呢種post係呢個時勢肯定千夫所指，事實上過去幾日我被人屌咗大約1000個comment。鬧我既人入面好多都係好多年前由我初初開page一直到今日既朋友，好多位我都有印象。
鬧一句黑警正仆街，好容易，甚至好廉價，民心所向包無死，如果我係想呃like、想賺眼球，我會咁做。但我唔係，以前唔係依家唔係將來都唔會係，如果一件事我覺得啱，但講出來，甚至提下都被人屌到仆街既話，我希望你屌完我五毛、懦弱、分化撚、鬼、割蓆狗、廢柴之後，可以冷靜咁諗一諗我既提議啱唔啱。
由831到今日93，短短4日，成200人被捕，無數人受傷。我知警佬無人性，咁係咪就要圍警署？好多人出於關心同擔心，而唔係想食花生，黎到現場聲援，結果一齊奶野傷既傷，捕既捕，圍既被人話累街坊，去既被人話貪得意，無論係傷捕定係內鬨，都絕對唔係我或你想見到既情況。
好多人話我變左，我諗我係，經歷過2014，2016，係69定616遊行，我見到為咗旺角騷亂入獄人士既籌款箱入面，得幾十蚊，周圍幾十萬人行過，個箱入面得幾十蚊。點解？因為魚革out咗啦，依家無人識你呀，你係第一批暴動既咁又點呀？無人識你呀。
果一刻，我應承自己，如果有啲後果係嚴重到自己都唔敢承受，唔好輕易叫人去衝。向前唔一定係勇氣，向後唔一定係懦弱呀。
Search